سهيلة أحمد ومنتهى الابداع في منتجات العناية بالبشرة
هاي هاي😍
انا سهيلة أحمد
خريجة فنون جميلة قسم ديكور بس مشتغلتش في مجالي
واخترت لنفسي مجال طول الوقت كنت مهتمة اوي بيه😍 مجال البشرة و مشاكلها و كدة😍
درست الموضوع فترة كبيرة و كافية جداً اني اقدر اعمل منتجات من اعشاب و زيوت طبيعية ١٠٠٪ عشان تعالج مشاكل للبشرة و حاجات تانية❤️
و أهم حاجة تكون اسعارها affordable👌🏻🥰
و فعلاً ابتديت من فترة مش كبيرة، و بعد ما فهمت كل حاجة عن المجال و جربت حاجات كتير، ابتديت مشروعي الصغير في تصنيع الصابون الطبيعي للبشرة و حاجات اكتر ممكن تشوفوها على صفحتي و تطلبوا اللي انتوا حاسين بشرتكوا محتاجاه😍
و كمان في حاجات جميلة للأطفال و حاجات تنفع اوي كأفكار هدايا جديدة و جميلة♥️
و حاجات تانية تنفع ديكور جميل لحمامك قدام ضيوفك، صابون بردو بأشكال تحفة😉♥️
دي شوية من منتجاتي، و دا لينك صفحتي عشان تشوفوا شغلي و مجهودي في المجال اللي حبيته♥️
#صابون ومنتجات طبيعيه للبشره والجسم
#صابون طبيعي
#منتجات طبيعية
ودي بعض المنتجات
صابونة الأرز Ricecake
الارز يعني التفتيح و التفتيح يعني الارز😂♥️
الارز معروف جداً بخواصه في تفتيح البشرة اللي بيبان من أول استخدام☝🏻
عشان كدة كل بنات شرق آسيا لونهم ابيض😂 عشان بيستخدموا الارز في كل منتجات العناية بالبشرة عندهم 🤷🏻♀️
اللي مش معروف عنه ايه بقى، و هنقوله احنا؟
ان النشا اللي موجود في الارز بيمتص اي زيوت زائدة في البشرة فا هينفعك جداً لو انتي بشرتك دهنية او مختلطة😉
صابونتنا كمان غنية بزيت الچوچوبا اللي عبارة عن فيتامين E اصلاً😂 يعني نضارة و إشراق كدة ملحوظ جداً لبشرتك و فيها كمان زيت جوز هند بكر لزوم الترطيب العالي مع النضارة و التفتيح😉♥️
و ريحتها جوز هند مع فانيليا تحسي انك عايزة تاكليها🤤
طريقة استخدامها:
بتغسلي وشك بمياه فاترة و تبتدي تفركيها في وشك عشان تستفيدي بكل الزيوت و الفيتامينات اللي فيها و تسيبيها ٥-١٠ دقائق و تغسلي وشك👌🏻♥️
🌝مرة الصبح و مرة بليل🌚
صابونة الشوفان Oatmeal
بشرتك دهنية؟
يعني بتعاني من دهون زيادة في الصيف و بشرة بتلمع🤦🏻♀️ و في الشتا بتعاني من تكون حبوب🤦🏻♀️
صابونة الشوفان بتاعتنا غنية بأجود أنواع الشوفان👌🏻 بيعمل ايه الشوفان و فيتاميناته؟🧐
اول حاجة بيهدي البشرة خالص و بيخفف حساسيتها
كمان بيقلل افراز زيوت البشرات الدهنية
غير انه في غني بالألياف اللي بتجدد خلايا أنسجة البشرة، يعني مع مداومة استعماله على البشرة هتحسي فرق النضارة في بشرتك جداً♥️
الصابونة دي غنية بزيوت تانية كمان بتعلي قيمة الفيتامينات فيها زي زيت اللوز الحلو، كمان فيها لبن عشان تحسي بتفتيح لون بشرتك مع نضارتها😉♥️
طريقة استخدامها:
بتغسلي وشك بمياه فاترة و تبتدي تفركيها في وشك عشان تستفيدي بالسكراب اللي حبيبات الشوفان بتعمله و تستني ٥-١٠ دقائق و تغسلي وشك👌🏻♥️
🌝مرة بالليل و مرة الصبح
صابونة الفحم Charcol
تعبتي من تهيج بشرتك و الحبوب اللي بتطلع قبل كل مناسبة صح؟ تعبتي كمان من الرؤوس السودة؟
حاسة بيكي🤦🏻♀️
طب عارفة سبب دا ايه؟ هقولك😀
سببها.. السموم اللي في بشرتك اللي بتبان في البشرة في هيئة حبوب و رؤوس سودة او بيضة، السموم بسبب الاتربة اللي في الجو و العوادم..احنا بيئتنا كلها سموم و بشرتنا غلبانة معانا يا عيني😂
عشان كدة عملنا ليكم صابونة الفحم👏🏻
الفحم بينضف البشرة جداً و بينقيها من كل الشوائب و بيسحب السموم اللي تحت الجلد مع مداومة الاستخدام👌🏻
غير انه بيقلل تهيجها و احمرارها خالص😍
صابونتنا كمان من ضمن مكوناتها، زيت لبان الذكر الغني بالكولاجين اللي بيزيد نضارة بشرتك بشكل ملحوظ جدا!👌🏻
طريقة استخدامها:
بتغسلي وشك بمياه فاترة و تبتدي تفركيها في وشك عشان تستفيدي بكل الزيوت اللي فيها و تسبيها ٥-١٠ دقائق و تغسلي وشك👌🏻♥️
🌝مرة الصبح و مرة بليل
سكراب الكركديه و القهوة Red salt
سكراب الكركديه و القهوة♥️
المنتج دا مناسب اوي لو انتي عروسة جديدة، او لو بنوتة و بتشتكي من السيلوليت او stretch marks و مش بس كدة.. اقري اكتر عن مميزاته⬇️😍
السكراب بتاعنا ٢ في ١😉
هو ((سكراب)) هايل للجسم و هقولك تحت شوية على طريقة استخدامه عشان تحصلي على افضل نتائج، و هو كمان عبارة عن ((detox)) طبيعي ١٠٠٪ للجسم، يعني بينقي الجسم جداً و بيهدي الاعصاب مع شاور دافي كدة😍
نيجي لمكوناته بقى😉
الكركديه.. اللي محدش يعرفه عنه انه بيجدد خلايا الجسم و يدي فرصه لخلايا جديدة لأنه بيعمل عملية تقشير لطبقة الجلد الميت اللي متقدريش تشوفيها بعينك بس هتحسي بالفرق بعد ما تشيليها🥰
و القهوة طبعاً اللي معروف عنها تقشيرها الممتاز للجسم و تفتيح لونه لأنها غنية بمضادات الأكسدة و هي المسؤولة عن انها تقلل السيلوليت جداً في جسمك مع مداومة الإستخدام😉
و طبعاً زودنالك السكراب بتاعنا بأملاح مناسبة جداً لتقشير الجسم و تنقيته زي ملح الابسوم و املاح البحر الخشنة♥️ و كلها طبيعية ١٠٠٪👏🏻
طريقة الاستخدام:
اول طريقة (التقشير)
بتاخدي كمية مناسبة لجسمك (من ٤-٥ معالق كبار مثلاً) و تخلطيهم بمعلقتين من اي زيت طبيعي زي الزيتون او جوز الهند و تدلكي جسمك بالليفة و يا سلام لو ليفة سكراب😉
تاني طريقة (detox)
بتحطي كمية كبيرة من السكراب في البانيو و تمليه مياه فاترة و اي زيت عطري خفيف بتحبيه لجسمك، و تقعدي فيه♥️ مش هوصفلك الاسترخاء و الراحة اللي هتحسي بيها بعد الشاور دا، جربي بنفسك😉♥️
(متوفر مقاسين لعبوة السكراب أسألي عليهم♥️)
سكراب الشوفان و الروزماري Yellow salt
سكراب الشوفان و الروزماري💛
المنتج دا مناسب اوي لو انتي عروسة جديدة، او لو بنوتة و بتشتكي من تصبغات في جسمك و مش بس كدة.. اقري اكتر عن مميازته⬇️😍
السكراب بتاعنا ٢ في ١😉
هو ((سكراب)) هايل للجسم و هقولك تحت شوية على طريقة استخدامه عشان تحصلي على افضل نتائج، و هو كمان عبارة عن ((detox)) طبيعي ١٠٠٪ للجسم، يعني بينقي الجسم جداً و بيهدي الاعصاب مع شاور دافي كدة😍
نيجي لمكوناته بقى😉
الشوفان، بيساعد في تقشير الجلد و دي حاجة معروفة عنه، اللي مش معروف عنه بقى ايه؟
💥انه بيفتح الحبوب اللي في الظهر💥 اه زي ما بقولك كدة، لو عندك حبوب في ظهرك هو هيفتحها و هيخففها خالص مع مداومة الاستخدام😉
و المكون التاني بردو اللي مميزاته فظيعة للبشرة هو الروزماري، العشبة دي بتساعد الجسم على انتاج الكولاجين الطبيعي بتاعه، و دي المادة المسؤولة ١٠٠٪ عن شكل نضارة و شباب الجسم و شده😉
و طبعاً زودنالك السكراب بتاعنا بأملاح مناسبة جداً لتقشير الجسم و تنقيته زي ملح الابسوم و املاح البحر الخشنة♥️ و كلها طبيعية ١٠٠٪👏🏻
طريقة الاستخدام:
اول طريقة (التقشير)
بتاخدي كمية مناسبة لجسمك (من ٤-٥ معالق كبار مثلاً) و تخلطيهم بمعلقتين من اي زيت طبيعي زي الزيتون او جوز الهند و تدلكي جسمك بالليفة و يا سلام لو ليفة سكراب😉
تاني طريقة (detox)
بتحطي كمية كبيرة من السكراب في البانيو و تمليه مياه فاترة و اي زيت عطري خفيف بتحبيه لجسمك، و تقعدي فيه♥️ مش هوصفلك الاسترخاء و الراحة اللي هتحسي بيها بعد الشاور دا، جربي بنفسك😉♥️
(متوفر مقاسين لعبوة السكراب أسألي عليهم♥️)
صابون شمع العسلBee candy
دي قطع من صابون شمع العسل و غني بزيوت ترطيبها عالي زي زيت الزيتون، جربي كدة انك تدعكي بيه كعب قدمك و شوفي النتيجة😉 متجربة تجربة شخصية و لأفضل النتائج، شوفي طريقة استخدامه⬇️♥️
طريقة الاستخدام: بعد ما تخلصي الباديكير بتاعك، بتحطي صابونتنا تحت المياه دقيقة و تبدي تفركي بيها كعب قدمك (تكون قدمك مبلولة) و متغسليهاش خلاص، تغطيها على طول ب plastic wrap او كيس نايلون عادي و فوقيه شراب و تنامي🌚 كرري دا مرتين في الاسبوع هتشوفي الفرق بنفسك😉🥰
صابون الدباديب برائحة الفواكه للأطفال
الدباديب الحلوين دول اكيد اكيد هيفرحوا ابنك و يشجعوه انه يغسل ايده كل شوية😉♥️
خصوصاً انهم برائحة الفاكهة اللي هتخلي ريحه ايده جميلة بعد ما يستخدمها😍
زودناها كمان بزيت الجوز هند الآمن ١٠٠٪ لبشرة الأطفال و بيعالج جفافها😉 و بالجليسرين الطبيعي كمان اللي بيدخل في كل منتجات الاطفال😉 يعني ممكن يستخدمها في الشاور و هتخلي رائحة جسمه جميلة و منعشة🥰
(فوق سن الثلاث سنوات)
صابون الفراشات برائحة الفواكه للبنات
بصوا بقى الفراشات الحلوين دول لبنوتكو اكيد هيفرحوها و يشجعوها انها تغسل ايدها كل شوية😉♥️
خصوصاً انهم برائحة الفاكهة اللي هتخلي ريحه ايدها جميلة بعد ما تستخدمها😍
زودناها كمان بزيت الجوز هند الآمن ١٠٠٪ لبشرة الأطفال و بيعالج جفافها و بالجليسرين الطبيعي اللي بيدخل في كل منتجات الاطفال😉 يعني ممكن كمان تستخدمها في الشاور و هتخلي رائحة جسمها جميلة و منعشة🥰
(فوق سن الثلاث سنوات)
**على فكرة ممكن تجبيها ليكي انتي كمان و تحطيها ديكور في حمامك😉 بيبقى شكلها حلو جداً الضيوف لو محطوطة في طبق خوص او فخار او ازاز🤷🏻♀️ ابدعي يعني😉 و ممكن تطلبيها بالألوان اللي تحبيها♥️**
دا بقى منقذك كأم في اي مشوار😍 أنا أم و فاهمة معاناة النظافة خارج البيت للأطفال الصغيرين🐣
دي قطع صابون صغيرة بتوصلك في برطمان بلاستيك صغير محكم الغلق عشان يبقى سهل تتحركي بيه في اي حتة، كل واحدة ممكن تستخدم مرة او اكتر عادي😍
عملناها من مواد طبيعية ١٠٠٪ و هتشجع ابنك على النظافة برة البيت😉 و جوا كمان بجد عن تجربة😂♥️
كلهم طبعاً برائحة الفواكه اللذيذة و الوان مغرية لطفلك/طفلتك👩👧👦♥️
(تقدري تتطلبي العدد اللي انتي عايزاه جوة البرطمان♥️ و بالمناسبة تقدري تستخدميهم انتي كمان😉)
صابون للباديكير Pedicure
دي قطع من الصابون غنية بالشبة و المسك، بتقشر الجلد الميت للقدم😍مش بس كدة! دي كمان هتساعد على اختفاء اي رائحة مش حلوة ممكن تكون قدمك بتعملها♥️ و طبعاً رائحة المسك هتخليكي تحسي انك بتعملي الباديكير في افخم Beauty center و انتي في بيتك😉 جربيها و مش هتبطلي تحطيها في روتين الباديكير بتاعك🥰
طريقة الاستخدام: بتحطيها في الطبق اللي هتحطي فيه المياه السخنة للباديكير و تكسري فيها كدة لحد ما تبتدي تدوب في المياه السخنة و لما تخلصي تبتدي تفركي رجلك بالحجر براحة و تشوفي الفرق😉♥️
صابونة العسل Honey comb
عايزة تشدي وشك كدة و تفتحي لونه؟😉
العسل الابيض الطبيعي بيساعد جداً على شد كل التجاعيد البسيطة اللي في البشرة، و صابونتنا معموله من انضف و انقى انواع العسل اللي كمان هيساعد بشرتك من التخلص من البكتيريا اللي بتسبب الحبوب الصغيرة الرخمة دي🤦🏻♀️
زودنا صابونتنا كمان بزيوت مرطبة جداً للبشرة و مليانة فيتامينات مغذية لبشرتك زي زيت اللوز الحلو و الجوجوبا كمان😉
طريقة استخدامها:
بتغسلي وشك بمياه فاترة و تبتدي تفركيها في وشك عشان تستفيدي بكل الزيوت اللي فيها و تسبيها ٥-١٠ دقائق و تغسلي وشك👌🏻♥️
🌝مرة الصبح و مرة بليل🌚
صابونة الكركم 🌟 Cura
حاسة اليومين دول بشوية تصبغات في بشرتك و لونها مش موحد؟
معلش.. دا طبيعي بسبب التعرض لإشعة الشمس الضارة اللي بتبقى من الساعة ١٢-٣ تقريباً، و طبعاً كلنا بنبقى في الشارع في الوقت دا و لظروف مختلفة🤦🏻♀️
مشكلة ماسكات الكركم انها بتخلي وشنا اصفر😂🤦🏻♀️ طيب في حل تاني حلو عملناه عشانك
صابونة الكركم!
الصابونة بتاعتنا بقى حلت المشكلة دي و هتخليكي متشليش هم الشمس خالص، عشان الكركم معروف عنه انه بيوحد لون البشرة و بيخفف تصبغاتها جداً مع مداومة الاستخدام👌🏻
الكركم كمان في نسبة عالية جداً من فيتامين E اللي هيخلي النضارة فظيعة و ملحوظة في بشرتك😍
كمان زودنالكوا فيها نسبة الترطيب بزيت الزيتون البكر و زيت الجوز هند 😉♥️
طريقة استخدامها:
بتغسلي وشك بمياه فاترة و تبتدي تفركيها في وشك عشان تستفيدي بكل الزيوت اللي فيها و تسبيها ٥-١٠ دقائق و تغسلي وشك👌🏻♥️
🌝مرة الصبح و مرة بليل🌚
صابونة القهوة ☕️ Coffee date
حاسة ان الخطوط زادت شوية في وشك؟
طب عارفة يعني ايه مضادات اكسدة و ايه فايدتها لبشرتك؟
مضادات الأكسدة اللي موجودة في القهوة بتحارب الجذور الحرة اللي في بشرتك يعني بتخفف علامات تقدم السن جداً و بتخفف خطوط البشرة اوي مع مداومة الاستخدام👌🏻
و اللي انتي مش عارفاه كمان عن القهوة
انها بتقلل الاكياس اللي تحت العين جداً عشان الكافيين اللي فيها و كمان عشان صبونتنا فيها زيت شجرة الشاي اللي مفعوله مضمون لتقليل اكياس العين😉
صابونة القهوة بتاعتنا فيها زيوت تانية كمان منهم زيت لبان الذكر اللي فيه كولاجين، يعني هتحسي بالنضارة من اول استخدام👌🏻😉
طريقة استخدامها:
بتغسلي وشك بمياه فاترة و تبتدي تفركيها في وشك عشان تستفيدي بالسكراب اللي حبيبات القهوة بتعمله و تستني ٥-١٠ دقائق و تغسلي وشك👌🏻♥️
🌝مرة الصبح و مرة بليل🌚
*** مليون تحية لابداعك ***
ليست هناك تعليقات:
إرسال تعليق