ياسمين رجب ابنة القرآن مبدعة في تحفيظ القرآن الخرائط الذهنية
سلام عليكم😍
مبدئيا انا اسمي ياسمين رجب لسه مكمله ٢٤ سنه من كام يوم😁**(كلية الدرسات الاسلاميه ببورسعيد)🧡
انا كتير اترددت اتكلم عن شغفي ده هو يمكن حاجه مختلفه بس انا حياتي فيه وهو(القرءان)🍂
💎الموضوع بدأ ب(امي)💎
ولله الفضل الاول وامي بعده🧡
امي كانت بتحفظني من صغري من وانا عندي سنتين ودخلتني(ازهر)،،ف الصيف كنت اروح دار القرءان في بورسعيد احفظ من البقره وف الدراسه احفظ من عم في المدرسه(معهد بورفؤاد الازهري)وكله بتسميع وتشجيع من امي لحد م بفضل الله ختمت ف ٦ ابتدائي وامي فضلت تبحثلي عشان ابقي محفظه من اولي اعدادي وبدات ف مسجد المحمدي ومن هنا كان الطريق وربنا رزقني ب ال طيبين وكملت ف امكان كتير بفضل الله مختلفه وبدات ابحث اكتر ف القرءان لحد م وصلت لطريقة الحفظ بالخرائط الذهنيه والتفسير المبسط وكنت الاول بحفظ عن طريق تصميمات م النت وكان نفسي جدا اعمل حاجه بنفسي لحد م بدأت فعلا من خمس شهور اعمل اعداد بنفسي للتصميم وامنية حياتي يكمل القرءان كله بيه واعمل كتاب للخرائط الذهنيه بتفسير مبسط يساعد الاطفال والكبار يفهموا معاني القرءان..🧡
بألف مسرحيات هادفه للاطفال ع قدي+اني ببحث طبعا عشان اطلعها كويسه، وعامله فريق قرال للاطفال علي قدي(فريق انشاد للاطفال)
بحفظ اطفال وكبار وبعلم قراءة وكتابة لأي سن🧡
ونفسي اكمل وافتح دار قرءان واعمل كتاب عن الخرائط الذهنيه واخد السند ف القرءان🧡
طولت عليكم اسفه بس لقيت بنفسي عماله احكي اعذروني بقي😁😁
وده جزء بسيط من ال بكلمكو عنه مش هقدر اقول شغلي لانه كان بكرم من الله ومن بحث كتير ومساعدة من ناس ربنا يكرمهم وينفع بيهم🧡
-انا حابه اشكر صاحب فكرة الجروب جزاه الله كل خير لانه سبب لناس كتير اتكلمت عن الشغف ال بيحبوه من قلبهم🧡
# معذره عن خطي الرائع😁
بحبكم ف الله🧡
ليست هناك تعليقات:
إرسال تعليق