رانيا الصغير مبدعة متعة فن الديكوباج
اسمي رانيا الصغير
معايا ليسانس اداب انجليزي
بحب اى حاجه مصنوعه يدوى اى حاجه و اى شغل معمول بمزاج ...
كل لما بشوف اى قطعه فنية دا بيبقي وشي مذهول وسعيد
بحس بسعاده غريبة جوايا حتى لو مش انا اللى اشتغلت القطعة
دى بفرح بأى انسان عنده موهبه عشت عمرى كله فى حاجه نقصاني و شغلى ماكنش ليه علاقة بالفن نهائي و فجأة قررت انى لازم اعمل اللى بحبه اشتغلت شويه فى الجلود الطبيعية بس ملقتش نفسي و بعدها لاقيت الديكوباج و سكة التعتيق لاقيت نفسي فيه اوى و حبيت السكة دى اوى ...
و اخر كام سنه اتعرفت على ناس كتير نفسها تلاقي نفسها و نقصهم حاجه فى حياتهم
نصيحتي دلوقتي لأى حد حاسس بالحيرة و الضياع احب أقوله اعمل كل يوم ساعه لنفسك و اعمل الحاجه اللى بتبسطك و تفرفشك ..
حبيت اعمل القناة دى علشان اساعد الناس فى الديكوباج و اللى هو اكتر حاجه لاقيت نفسي فيها و بساعد الناس بكل إخلاص و وضوح في القناة مش ببخل بأى معلومه اتعلمتها ... أتمني أن كل واحد مهتم بالديكوباج يدخل عندى و هيستفيد أن شاء الله بمعلوماتى المتواضعة عن الديكوباج .. و دول جزء من القطع اللى انا اشتغلتها اتمنى انها تعجبكم و تقولوا رأيكم بصراحه انا صدرى رحب لأى تعليق واسفه على الكلام الكتير
اكونت الانستجرام
Raniaelsagheer4
ليست هناك تعليقات:
إرسال تعليق